fatafeet السكر

الخميس، ٧ أغسطس ٢٠٠٨

قلم رصاص ..واسرح معاه




الرسم من اجمل النعم اللي خلقها الله سبحانه وتعالي ولازم نحمده عليها حتي ولو لم تكن موهوبا ولكن عندك القليل القليل منها فغيرك لايستطيع ان يرسم او حتي يمسك بالقلم فالحمد لله علي النعمه التي منى بها علي فأنا زي ما بيقولوا بعرف ارسم بس انا مش حاسه بكده فقلت اخد رايكم .


انا هحط رسمه والباقي مره تانيه




انا اول اما اكتشفت الموهبه دي كانت وانا في المدرسه ((كله هيفكر في حصه الرسم)) لا الصراحه كانت في حصه الانجليزي كان بيتجلي اوي الفن اول اما المستر يدخل ويقعد يقرأ من الكتاب وانا اتابع اول سطر وبعد كده اسرح ولاقي الاقلم الرصاص اشتغل شغل الله ينور.





في مره رسمت المستر واصحابي شفوه ومقدروش يمسكو نفسهم من الضحك كان شبه بالضبط ويومها المستر زعقلنا .

ملحوظه:الرسمه اللي فوق دي مش المستر (:

وطبعا نميت الموهبه دي ..اقولكم ازاي

كنت ايام امتحانات الثانويه العامه وانا بزاكر لازم يكون معايه قلم ولازم يكون رصاص((عشان الرسمه تطلع حلوه)) اقصد المذكره امسك الكتاب من هنا وهي اول صفحه واقرب حته فاضيه الاقي القلم سرح مني ورسم رسمه .

في مره كنت بذاكر جيولوجيا والمادة دي انا بحبها قوي فكنت بستخدم الالوان في مذكرتها ..كنت بذاكر في امانة الله لقيت صفحه فاضيه كالعاده القلم سرح مني وفجأه لقيت اخويه هجم علي المذكره وقعد يزعق يزعق ((يا ماما..ياماما تعالي شوفي بنتك عمله نفسها بتذاكر وقعده ترسم)) ...

طبعا ماما قعدت تزعق وتدي نصابح ((ربنا يخليها لي يارب))


وهي دي قصتي مع الرسم والبركه في حصه الانجليزي

التسميات:

16 تعليقات:

في ٩ أغسطس ٢٠٠٨ ١٠:٢٥ ص , Blogger نعكشة يقول...

انا بموت في الرسم

عجباني البنوتة اللي انتي رسماها

محسساني انها من ايام لاغريق
الا ان الطقيوة اللي ماسكاها لا تدل علي العصر دة

قاعدتها كمان بتوحي بال مش عارفة الوصف
لما الواحد يبقي مبسوزط من نفسة

اني وايز جميلة
وحلوة رسمة عم جمعة

ادعوكي ان تنضمي
معانا
للمعرض الفني شخابيط
انا وورود و اشواك
وهانك لو تحبي تعرضي لوحاتك
لو تحبي يعني

سلام عليكم

 
في ١٠ أغسطس ٢٠٠٨ ٧:١٠ ص , Blogger el_assel يقول...

اولا انا مبسوط فعلا اني في اول زيارة ليا مدونتك اكون كمان اول تعليق

من الجميل ان يمتلك الواحد منا روح الفنان
ملكة التعبير بما في نفسه

من الاشياء اللي انا ندمت عليها ان انا لم انمي موهبة الرسم عندي
رغم اقتناعي ومن حولي اني امتلك تلك الموهبة

حاولي ثقل الموهبة اللي عندك
وهي موهبة مبشرة
وهو شئ واضح من الرسمة الجميلة اللي انتي حطاها



سلاماتي

 
في ١٠ أغسطس ٢٠٠٨ ٥:٣٤ م , Blogger حاجات جوايا يقول...

رسمك جميل فعلا يا قمر
تسلم ايدك
بس باين عليكى مكنتيش بتحبى الانجليزى
.. ولا كنتى مقضياها درورس خصوصية ؟؟؟
أنا كمان بحب الرسم .. بس انتى اشطر منى ما شاء الله

أنا سعيدة جدا انى عرفت انك دمياطية
يعنى بنت بلدى
يعنى بقيتى أختى خلاص .. ولا عندك مانع ؟؟؟

نورتى مدونتى واحة الفكر والقلم .. واتمنى دوام التواصل

كامل ودى وعظيم احترامى

سالى

 
في ١١ أغسطس ٢٠٠٨ ٩:٤٢ ص , Blogger ساسو (بنوتايه سابقا) يقول...

نعكشه
انا فرحانه انك في مدونتي ومبسوطه ان الرسمه عجبتك
انا ليه الفخر اني انضم للمعرض بس خايفه اضيع وسط الفناني اللي في المعرض وانا يادوب بعرف امسك القلم وشخبط
شكرا ليكي

 
في ١١ أغسطس ٢٠٠٨ ٩:٤٥ ص , Blogger ساسو (بنوتايه سابقا) يقول...

الاصيل
انا والله اللي مبسوطه بزيرتك
لسه الفرصه قدامك مادام عندك الموهبه يبقه تقدر
شكرا ليك مره تانيه وننتظر زيارتك تاني

 
في ١١ أغسطس ٢٠٠٨ ٩:٥١ ص , Blogger ساسو (بنوتايه سابقا) يقول...

حاجات جوايه
ربنا يخليكي يارب
الانجليزي .......الصراحه الماده الوحيده اللي كنت بكرهه وانا في المدرسه بس بدأت احبها الايام دي مش عرفه الاعيب فيه ولا في المدرسين
وبعدين انا ولا اشطر منك ولا حاجه ده كده كتير علياوكفايه اننا طلعنا بلديات واحنا فعلا خلاص بقينا اخوات
شكرا لتواجدك في مدونتي

 
في ١٢ أغسطس ٢٠٠٨ ٥:٣٥ م , Blogger حاجات جوايا يقول...

اختى الحبيبة

اولا ازيك ..واخبارك ايه ؟
يارب تكونى بخير دايما

أدعوكى لزيارة مدونتى " واحة الفكر والقلم " والمشاركة فى حملة مساعدة أطفال الشوارع
ده اللينك المباشر
http://wa7et-elfkr.blogspot.com/2008/08/blog-post.html
اتمنى حضورك

خالص احترامى

سالى

 
في ١٣ أغسطس ٢٠٠٨ ٢:٤٥ ص , Blogger A7MeD F@hMy يقول...

mجميلة اوي الصور بتاعتك و فعلا لازم تحمدي ربنا علي الموهبة دي و ان شاء الله ف المستقبل نسمعوا عن معرض ليكي و تبقي تدخلي المدونين مجانا
هههههههههههه
تحياتي و نمي موهبتك بقي
سلام

 
في ١٧ أغسطس ٢٠٠٨ ٧:٢٢ ص , Blogger mostafa rayan يقول...

رسمك حلو قوي على فكرة
عارفةانا اتمنيت يا ماني اعرف ارسم وحاولت كتير لكني اكتشفت اخيراانه موهبة تمنح من الله فكتفيت بموهبتي
( كتابة القصص والشعر ) وقولت ارسم بالكلمات
بس انتي بجد فنانة جامججة واسمحيلي اوجه كل الشكر لحصة الأنجليزي اللي طلعت منك موهبة الرسم

- لو سمحتي شيلي تأكيد الكلمة لسهولة التعليق

 
في ١٧ أغسطس ٢٠٠٨ ٩:٠٤ ص , Blogger حاجات جوايا يقول...

أختى العزيزة

بما انك دمياطية أدعوكى لمشاركتنا فى مدونة انا الدمياطى التى تهتم بكل القضاياالتى تشغل اهل دمياط ووضع حلول لها والسعى حتى حلها

لمزيد من التفاصيل يمكنك زيارة مدونة لا وألف لا .. للمدونة بنت دمياط .." بطة بكر "

http://battabakrbentelislam.blogspot.com/


نتمنى مشاركتك

سالى

 
في ٢٠ أغسطس ٢٠٠٨ ٢:١١ ص , Blogger أنا حر يقول...

حلوة قوي الرسومات دي
حاولي تنمي موهبتك واهتمي بيها اكتر لانها حلوة قوي
تحياتي

 
في ٢٠ أغسطس ٢٠٠٨ ٥:١٥ ص , Blogger bastokka طهقانة يقول...

مش حتصدقي بس فعلا انا كمان كنت بحب ارسم في حصص الانجليزي اصل المدرسة كانت مملة و انا كنت بحب اقفل وداني و اسرح في الرسم

بس رسمي مش حلو قوي زيك كده


اوروفوار

 
في ٢٠ أغسطس ٢٠٠٨ ٥:٤٥ ص , Blogger ساسو يقول...

احمد فهمي
ربنا يخليك يارب وانا والله بحمد رربنا بجد علي هذه النعمه
وحكايه المعرض دي معتقدش هوصلها ..بس ادعي ربنا كل شئ جائز
___________________________
مصطفى ريان
انا سعيده بتواجدك في مدونتي المتواضعه وانا والله مش عرفه اقول ايه علي الكلام الجميل اللي انت قايله ده (دا بعض ما عندكم)
وبجد موهبتك في الكتابه والشعر جميله قوي وكويس ان انت معندكش موهبه الرسم
عشان كانت هتخدك مننا ومكناش هنقرأ الكلام الجميل اللي انت بتكتبه
وبالنسبه لحصه الانجليزي مش عيزه شكر بس دي عيزه اجدع تحيه واحلي سلام ومزيكة حصبله والسلام الوطني كمان
______________________________
انا حر
ربنا يخليك يارب
شكرا لتواجدك
_______________
طهقانه
ايه ده مش معقول ..!
لقيت حد زي سبحان الله انا كنت مفكره ان مفيش حد بيعمل كده الا انا
وبعدين مين قال ان رسمك مش حلو ..متحكميش علي نفسك ورينا واحنا نحكم ..اوكي

 
في ٢٠ أغسطس ٢٠٠٨ ١٠:٥٠ ص , Blogger abo salah يقول...

بعد السلام عليكم

بالفعل أيا من ملكات الإبداع نعمة من الله

أدام الله عليكى هذه النعمة

موهبتك جميلة فعلا .. حاولى تدعميها بالدراسة والممارسة المستمرة

رسمة البنت تدل على خطوطك الجميلة

أهديكى اللينك دا
مدونة انتيمى رسام بورتريهات وكاريكاتير
لعلها تفيدك
http://portrawy.blogspot.com/

لكى منى التحية
وأشكرك على زيارتك الكريمة لمدونتى المتواضعة .. ويارب دايما

ودايما من تقدم لتقدم فى مجال الرسم

تحياتى
وكل سنة وأنتى طيبة

 
في ٢١ أغسطس ٢٠٠٨ ٥:١٨ ص , Blogger ساسو يقول...

ابو صلاح
شكرا ليك وبجد وجود افادني
وشكرا علي لنك المدونه الرائعه دي معا انها عقدتني (من جمال الرسومات)
وياريت لو في حاجه تنيه تقولي عليها

 
في ٣١ ديسمبر ٢٠٠٨ ٥:٢٤ ص , Blogger don don يقول...

السلام عليكم

عجبنى انا كمان رسمك بس على فكرة انا مهندسة ديكور يعنى ليا خبرة فى الرسم انتى ممكن تتعلمى منظور اقوى من كدة علشان الرسمة يكون بنائها صحيح لو تعرفة مكتبة مبارك اللى فى الاعصر فيها فى الدور التانى قاعة فيها كتب لرسومات كتير ممكن تجيبى كتاب وتقعدى تقلدى الرسومات اللى فية وكمان ممكن تستخدمى اقلام رصاص تساعدك على الرسم زى اقلام فابر كاسيل 3b 5b
هتلاقيهم هايسعدوكى اكتر فى الرسم وربنا يوفقك يارب

انا من دمياط على فكرة وسعيدة انى فى مدونين من دمياط

 

إرسال تعليق

الاشتراك في تعليقات الرسالة [Atom]

<< الصفحة الرئيسية