fatafeet السكر

الأربعاء، ٦ أغسطس ٢٠٠٨

اااه يا مصر اااه



ليه يامصر بحس ان معدش فيكي رجاله
زمان كنت اسمع ((وراك رجاله ))يعني ايه؟!
يعني حمايه ..يعني امان..يعني تمشي في الشارع وعارفه ان محدش هيقدر يضايقك اويمس شعره منك.
انا مش عرفه ايه اللي حصل لرجالتك يامصر فين الشهامة والخوف علي بنت البلد فين الاحترام والادب فين الدين فين....فين..فين..
الحكايه دي بتحصل كل يوم
مش معايا ولا مع غيري بس يمكن لكل بناتك وستاتك يامصر .
المواصلات واللي بيحصل في المواصلات من ((قلة ادب ))مقدرش اقول عليها غير كده
اما تكون راكب وفاكر ان مصر لسه بخير ويحصل حاجه زي اللي حصلت لقربتي وهو مقدرش اقول عليه غير (تحرش)ده علي الرغم من ان المواصلات عندنا مش زحمه يعني الركاب مرتحين ,يعني مفيش عزر..انك تفكر انه مش اخد باله مثلا او مكنش قصده
اتكلمت قربتي وزعقت للبني ادم ده(مقدرش اقول عليه راجل)وكانت فاكره ان اما تعمل كده حد من الرجاله اسفه من اشباه الرجاله الموجدين هيتكلم اويقوم حد ويضربه ..لا ده مفيش حد نطق بكلمه او اتهز من مكانه وقومه او اعترض حتي بكلمه
صم ..بُكم..عُمي
واللي يغيظ ويفرس ان اول اما عملت كده وقف المكروباص ونزل يجري وبعدها السواق يقول بكل برود "ابوه اما عرف كده جوزه بقالو اسبوع "يابرودك يااخي
بزمتكم ماهي حاجه تفرس وتجيب الضغط هو ده اللي قدرت عليه ..يعني فاهم اللي حصل وعارف كده.طيب بتركبه ليه؟
اما عرفت الحكايه دي قلتلها كويس اوي انك اتكلمتي غيرك مقدرش ينطق اويتكلم وكأن لساني وقف ومقدرتش غير اني اقول للسواق نزلني هنا..
والمشكله ان الموقف اللي حصل معايه كان من واحد قد والدي يعني مكنتش اتصور كده ابدا
زمان كنت مفكره اني لو ماشيه في شارع وعلي جانب منه شباب بيعاكس والجانب التاني راجل كبير اني اعدي من قدام الرجال الكبير احسن لكن الوقتي معدش فيه فرق..امشي من نص الشارع احسن حتي خبطة العربيه ارحم.
وماتلاقي الاطفال يادوب طلعين من البيضه وبيعكسوا وبيقولو كلام كبير اوي علي سنهم .
يبقه من حقي اقول فين رجالك يامصر ..ولالأ................؟!!!!
مفيش ثقه خلاص كان فيه مقوله بتقول( حرص ولاتخون )انا بقول في الزمن ده ((حرص ومتأمنش لحد ))
وفي النهايه بعتزر لكل الرجال المحترمين في هذا الزمان وان عرفه ان لسه في رجاله محترمين بس اقليلين اوي
وعايزه اعرف امتي بقه مصر ترجع زي زمان ..بلد الامن والامان وشهامه ولاد البلد والتحلي بأخلاق الاسلام .
ياريت نرجع زي زمان

4 تعليقات:

في ٦ أغسطس ٢٠٠٨ ٤:١٧ ص , Blogger A7MeD F@hMy يقول...

بجد الحالة اللي وصصل لها الشباب دي انا مش عارف اقول عليها ايه بس اللي بيتحرش دة عمره ما يكون انسان
ده لازم حيوان
مش بيفكرفي اخته او قريبته لو حد عمل فيهم زي ما هو بيعمل في بنات الناس
دي نفسيات مريضة
البنات لبسها ايوة ساعات بيبقي ملفت و ده مش صح بس احنا كلنا مسؤلين عن ده
البنات دلوقتي بتبقي لابسة خمار و بتتعاكس
في حملة جميلة اوي خارجة من مجلة كلمتنا اسمها احترم نفسك..لس فيكي رجالة يا مصر
و الله مصر فعلا لس فيها رجالة بس ندروا اوي
من كام يوم شفت موقف ضايقني اوي ع البحر
كانوا اربع بنات و حواليهم 4 شباب و دول ييجوا وراهم و دول يرجعوا لحد ما اتعرفوا علي بعض بطريقة مقرفة اوي صراحة
بعدين اتفقوا هيروحوا فين مش هاخوض ف تفاصيل بس و الله الموقف ده حصل قدامي و قدام الناس كلها و في منطقة زحمة جدا
مفيش اخلاق خلاص
ساعتها كان في ولدين واقفين ف الشارع اكبرهم مايجيبش 8 سنين
بيكلم الولد التاني وبيقول له شفت البنات اللي في التاكسي اللي ورا دة قفشوا سكة مع الولاد دول
لما طفل عارف يعني ايه اللي بحصل قدامه من دلوقتي ده يبقي ايه يا ريتها علي كلمتين بس بيقولهم ولا حاجة

اسف علي الاطالة بس بجد موضوع مهم و فعلا لو حصل قدامي موقف في عربية او كدة لا يمكن اسكت عليه و يا ريت كمان البنات تبقي عارفة تعمل ايه ف المواقف دي و الولاد كمان و الناس ماتسيبش الوضع كدة
تحياتي

 
في ٦ أغسطس ٢٠٠٨ ٧:١٥ م , Blogger بنوتايه يقول...

شكرا يااحمد علي وجودك ووالله معدش لبس البنت بيفرق ازكان ده بيحصل لستات كبار وفعلا دول مرضه نفسين والله حرام يتسابو كده وحلوه اوي الحمله دي بس مفروض كمان يبقه هدف الحمله مش للاولاد فقط لا وللبنات كمان لان في بنات سعات هي اللي بتخلي الشخص ميحترمهاش
وانت فعلا راجل وقدها ربنا يحميك اما عن ان البنت تعمل ايه دي فأنا لقيت اقرب سلاح للبنت الدبووس شكه وحده تفي بالغرض ويمكن تأثر فيه اكتر من التهزيق والشتيمه وكمان بكده نحافظ علي اخلقنا ومنظرنا العام
ربنا يحفظنا
شكرا ليك

 
في ١٨ أغسطس ٢٠٠٨ ٣:٤٥ ص , Blogger المحرر الصحفي والشاعر : عمــاد الدين يوســـف يقول...

انا معاكي في كل حاجه إلا ( معادش وراكي رجاله ) الحمد لله عمر مصر ما هيصيبها العقم وبدليل الاعتصامات والحراك الاجتماعي الي شايفينو .. ولا ايه
تحياتي

 
في ١٨ أغسطس ٢٠٠٨ ٧:٣٩ ص , Blogger ساسو يقول...

استاذ عماد
بشكرك جدا علي تواجدك
وانا فعلا حسيت ان مصر لسه فيها رجاله والدليل علي كده تواجدك انت واخونا احمد فهمي وغيركم من الرجال المحترمين
بس زي ما تقول يعني حبيت احرك جواكم الرجوله والشهامه عشان ماتمتش
والحمد لله ان لسه الدنيا بخير
بشكرك مره اخرى

 

إرسال تعليق

الاشتراك في تعليقات الرسالة [Atom]

<< الصفحة الرئيسية