fatafeet السكر

الثلاثاء، ١٥ يوليو ٢٠٠٨

تليفوني رن...ترن ترن



يوم عادي بس مش زي اي يوم 12/7/2008
الساعه 12 بالليل كنت قاعده في امانة الله ولا بيا ولا عليا بضحك وهزر ......عااااادي
واذ
بـ تليفووووني رن...ترن ترن
مش عرفه ليه ساعتها قلبي اتخطف وبطني اتقلب حالها فجأ
استغربت....رديت علي التليفون
لقيتها صاحبتي بس صوتها متغير استغربت وخفت اكتر ,



رديت عليها بسرعه : ايه في حاجه حصلت ..اتكلمي
ردت عليا :
لازم اشوفك بكره ضروري
قولت ؛خير في حاجه حصلت (كل ده وانا دماغي بتودي وتجيب
)



قالت؛كلمتي اسراء(صحبتي برضه)
قولت؛لا ليه حصلها حاجه لاقدرالله

.. قالت ؛لا ...اصل كلمتني وقلتلي ....ان ...النتيجه ظهر
قلت في عقل بالي حرام عليكي ياشيخه وقعتي قلبي, هو اه كده كده هيقع من الخبر بس وقعه عن وقعه تفرق
وقفلت معاها علي اني حاولت اني اهدي من خوفها وتهويلها للموقف
وانا اصلا عايزه حد يطمني
كانت ليله مايعلم بيها الا ربنا
تاني يوم12/7/2008 كانت الساعه
حوال11 صباحا
واذ بـــ تليفووووني رن..ترن ترن
جريت بسرعه ورديت:الو
الو...............مبرووووووووووووك
انا؛ايه ..مين ..بجد والله ,,متأكده
الحمد والشكر ليك يارب
جريت علي بابا وماما واخدتهم بالحضن (بوس بقه وكدا)وبعدها علطكول اتوضيت وصليت ركعتين شكر لربنا
بجد كان احساس جميل اوي اول مره في حياتي احس بيه مش عرفه ليه
المهم اني نجحت ,,نجحت .

4 تعليقات:

في ١٦ يوليو ٢٠٠٨ ١١:٠١ م , Anonymous محمد يقول...

ماشاء الله :)

مبروك النجاح..

للنجاح فرحة لايعلمها إلا من جربها..

مبروك مرة أخرة :)

 
في ١٨ يوليو ٢٠٠٨ ١:٢٨ م , Blogger بنوتايه يقول...

ربنا يخليك يارب
وعندك حق فعلا محدش بيحس بالفرحه الا اللي جربها
وياريت يكون كل الناس سعداء زي
وبجد نورت مدونتي

 
في ٢٢ يوليو ٢٠٠٨ ٤:٥٨ م , Blogger S H A H يقول...

متقولي نجحت من الاول, انتي وقعتي قلبي انا :))))))
الف الف مبروك النجاح

معرفناش التفاصيل و الكلية و سنة كم

بس برده مبروك

 
في ٢٤ يوليو ٢٠٠٨ ٥:٣١ م , Blogger بنوتايه يقول...

اه ده مين اللي نور مدونتي ..
مش معقوله شاه
الله يبارك فيك ومعلش اصل انا مكنتش مصدقه نفسي
والتفاصيل كالاتي انا طالبه في خدمه اجتماعيه ولسه صغنونه وفي سنه اولى
بس ميغركش
شكرا علي تواجدك

 

إرسال تعليق

الاشتراك في تعليقات الرسالة [Atom]

<< الصفحة الرئيسية